Kaa lunghmuih tuk mi thil (4)
Minung a simi poah nih harnak le ngaihchiatnak cu aa dang cio in ton dih a si nain, cu harnak le ngaihchiatnak chung cun i hrim zau in thazaang a laa than mi hna nih teinak le lunglomhnak an co tawn. Pathian thluachuah hi a relzia kan thiam ah cun relcawk lo thluachuah kan co cio dih ko. A tanglei ah hin 2017 chungah Pathian nih thluachuah aka pek mi chungin kaa lunghmuih tuk mi thil 4 ka langh ter.
(1) Ka cacawn nak
Ka ngakchiat tein Pathian sinah thlacamnak fakpi he siibawi si ding in ka rak hal peng mi ka sikhawh lo tikah Pathian nih ka hal mi a ka pe duh lo tiah sau pi ka rak vuivai i saupi thla zong ka cam kho lo.Sinain, ka chungle thazaang peknak in kaa hrim than i Bachelor kai than dingin India lei ah 2014 ah ka rak kal than.
Lungdongh hnu ah JDMC, Delhi University i Bachelor in English Literature(Hons) kai hram kaa thok than hi 2014 ah a si i tukum 2017 ah tlamtling tein ka lim. Midang caah cun B.A menmen silole B.A cu thah cawk lo an si ti a si nain kei le kan chungkhar caah cun Doctorate Degree laaknak in a sunglawi deuh. A ruang cu, midang cu chim lo ka chungkhat cheukhat hmanh nih a vaivuan mi le degree laa kho lo ding in a kan ruah cang. "Ameng cu a vaivuan sawhsawh ko" a ka ti mi an tlawm lo.Sianginn ka dih hnu ah ka
fian mi cu Pathian nih ka caah lamdangpi a ka timhtuah piak i ka hal lo thluachuah a ka pek ti hi a si.
(2) Laksawng
Midang caah cun thilfawi tuk le nihchuak men a si lai nain Kum 25 a si deng tiang siangngakchia a si peng mi ka caah cun Nu le pa, chungkhat ca i santlaih cu chim lo, a bawmh in bawmh hau peng mi ka si. College kumthum ka kai chung DAFI scholarship ka hmu i , cu ka hmuhmi scholarship a donghnak bik a kan pek mi phaisa tein a ka daw biktu Kapu le Kapa suit ka serh khawh hna. Kaa lunghmuih bak ko.
(3)Kumthar hmuitinh
2016 Christmas ka chungkhar he hmang ding in Laitlang ka tlung. Ka kir hnu Delhi ka phak than le cangka ka diary kaa lak i "Bawipa, kum 25 ka tlin hlanah vawleicung ram 5 phanh ka duh" tiah ka rak tial. Cu lio ah cun, zeibantuk lam in dah ka tlawn lai ti zong ka ruat lo. Ka diary ka kau caan le ka lung i a chuah poah ah Pathian sinah ka hal.
Sianginn dihnak dingah thlakhat te lawng aa duh hnu April thla ah ka u upabik nih Switzerland ah short term course cawnding a um i na huam ah cun rak sok te tiah link a ka kuat. Ka rel chun tik ah Upadi lei( Law) a cawng mi sianghngakchia caah a si caah ka sok ngam tuk lo. Ka u le ka hawile nih a kan duhpiak tuk caah ruahchannak ngan tuk ngei lem lo in ka sok chun ve. Ka ngah lai ti hmanh ka ruahchan ngam lo mi cu Swiss Ministry of Foreign Affairs nih full scholarship a kan pek. Ka ruahnak nih a phak khawh lo mi Pathian thluachuah bak a si. Ka chungkhat unau hna nih pocket money a kan ronh cio, a nuam kho taktak i an dihlak cungah lomhnak chim cawk si lo. Switzerland ca ka cawn pah in France, Norway le Sweden ka phan. Ram nga tlin tunglo ti hlah mu, 2014 ah Thailand ka phan bal ,,,,,heeee
(4) suimpar.blogspot aa thoknak
Mi zeipoah (a bik in sianginn kai lio) nih i zohchunh mi silole uar tuk mi, Idol kan ngei dih cio lai tiah ka zumh. Ka ngakchiat lio tein ca lei ah ka rak i zohchunh mi le ka uar tuk mi hi Nitha Bor a rak si. A mui zong ka hmu bal lo nain a min le a sining ka rak theihmi bak in a mah bantuk ka si lai tiah ka rak i ti mi a si.
Ruahlo pin Norway ka va tlawn ah kan i tong.Ka Idol he kan i ton mi kaa lunghmuih tuk khi cu va chia rih ko usih. Bia sau nawn kan i ruah hnu ah " Na holh daan hi kan ngaih i catial na thiam bak lai" a ka ti. Catial ka thiam tuk kaa ti nak siloin, kaa theih bak lo mi Pathian pekmi pahrang(talent) a ka hmuh piak. Kum 2011 lio tein blog ka rak ser cang nain ka blog cu korean lemcang (mintaa) pawl hmanthlak tar nak ah ka hman sawhsawh. "Catial na thiam bak lai" aka ti mi kaa khat ruang ah catial hram kaa thok taktak. Catial a thatnak cu ca tampi rel duhnak lungthin a kan pek. Keinih cun hi zong hi ka thluachuah sung pakhat a si ve ka ti.
Pathian nih a dawtmi a fa le hna caah cun zeithil poah a tha lei in a khan zungzal ko. Hal ve hmanh, an pek ve ko lai.
(1) Ka cacawn nak
Ka ngakchiat tein Pathian sinah thlacamnak fakpi he siibawi si ding in ka rak hal peng mi ka sikhawh lo tikah Pathian nih ka hal mi a ka pe duh lo tiah sau pi ka rak vuivai i saupi thla zong ka cam kho lo.Sinain, ka chungle thazaang peknak in kaa hrim than i Bachelor kai than dingin India lei ah 2014 ah ka rak kal than.
 |
| JDMC, ka sining tamtak a ka thleng tu |
Lungdongh hnu ah JDMC, Delhi University i Bachelor in English Literature(Hons) kai hram kaa thok than hi 2014 ah a si i tukum 2017 ah tlamtling tein ka lim. Midang caah cun B.A menmen silole B.A cu thah cawk lo an si ti a si nain kei le kan chungkhar caah cun Doctorate Degree laaknak in a sunglawi deuh. A ruang cu, midang cu chim lo ka chungkhat cheukhat hmanh nih a vaivuan mi le degree laa kho lo ding in a kan ruah cang. "Ameng cu a vaivuan sawhsawh ko" a ka ti mi an tlawm lo.Sianginn ka dih hnu ah ka
(2) Laksawng
Midang caah cun thilfawi tuk le nihchuak men a si lai nain Kum 25 a si deng tiang siangngakchia a si peng mi ka caah cun Nu le pa, chungkhat ca i santlaih cu chim lo, a bawmh in bawmh hau peng mi ka si. College kumthum ka kai chung DAFI scholarship ka hmu i , cu ka hmuhmi scholarship a donghnak bik a kan pek mi phaisa tein a ka daw biktu Kapu le Kapa suit ka serh khawh hna. Kaa lunghmuih bak ko.
 |
| ka serh mi suit tete he, ka zoh cim hna lo kapa le kapu |
(3)Kumthar hmuitinh
2016 Christmas ka chungkhar he hmang ding in Laitlang ka tlung. Ka kir hnu Delhi ka phak than le cangka ka diary kaa lak i "Bawipa, kum 25 ka tlin hlanah vawleicung ram 5 phanh ka duh" tiah ka rak tial. Cu lio ah cun, zeibantuk lam in dah ka tlawn lai ti zong ka ruat lo. Ka diary ka kau caan le ka lung i a chuah poah ah Pathian sinah ka hal.
 |
| ka keh lei ke nih France a lamh, ka orh lei ke nih Germany a lamh, ka hnu lei khi Switzerland (Three countries in one picture) bialak ah, ka hmanthlak vialte ah ka uar bik si ;) |
Sianginn dihnak dingah thlakhat te lawng aa duh hnu April thla ah ka u upabik nih Switzerland ah short term course cawnding a um i na huam ah cun rak sok te tiah link a ka kuat. Ka rel chun tik ah Upadi lei( Law) a cawng mi sianghngakchia caah a si caah ka sok ngam tuk lo. Ka u le ka hawile nih a kan duhpiak tuk caah ruahchannak ngan tuk ngei lem lo in ka sok chun ve. Ka ngah lai ti hmanh ka ruahchan ngam lo mi cu Swiss Ministry of Foreign Affairs nih full scholarship a kan pek. Ka ruahnak nih a phak khawh lo mi Pathian thluachuah bak a si. Ka chungkhat unau hna nih pocket money a kan ronh cio, a nuam kho taktak i an dihlak cungah lomhnak chim cawk si lo. Switzerland ca ka cawn pah in France, Norway le Sweden ka phan. Ram nga tlin tunglo ti hlah mu, 2014 ah Thailand ka phan bal ,,,,,heeee
(4) suimpar.blogspot aa thoknak
Mi zeipoah (a bik in sianginn kai lio) nih i zohchunh mi silole uar tuk mi, Idol kan ngei dih cio lai tiah ka zumh. Ka ngakchiat lio tein ca lei ah ka rak i zohchunh mi le ka uar tuk mi hi Nitha Bor a rak si. A mui zong ka hmu bal lo nain a min le a sining ka rak theihmi bak in a mah bantuk ka si lai tiah ka rak i ti mi a si.
 |
| u borte, u borte ka ti peng mi cu mah hi si:) |
Ruahlo pin Norway ka va tlawn ah kan i tong.Ka Idol he kan i ton mi kaa lunghmuih tuk khi cu va chia rih ko usih. Bia sau nawn kan i ruah hnu ah " Na holh daan hi kan ngaih i catial na thiam bak lai" a ka ti. Catial ka thiam tuk kaa ti nak siloin, kaa theih bak lo mi Pathian pekmi pahrang(talent) a ka hmuh piak. Kum 2011 lio tein blog ka rak ser cang nain ka blog cu korean lemcang (mintaa) pawl hmanthlak tar nak ah ka hman sawhsawh. "Catial na thiam bak lai" aka ti mi kaa khat ruang ah catial hram kaa thok taktak. Catial a thatnak cu ca tampi rel duhnak lungthin a kan pek. Keinih cun hi zong hi ka thluachuah sung pakhat a si ve ka ti.
Pathian nih a dawtmi a fa le hna caah cun zeithil poah a tha lei in a khan zungzal ko. Hal ve hmanh, an pek ve ko lai.
Comments
Post a Comment