"Nangtah zeitindah naa thlen?"
Sianginn
kai ruahah Kum 16 ka si in inn he aa hlatnak hmun ah keimah lawng a um lengmang
mi ka si. Ka ngakchiat ten lunglen hmang tuk mi ka sinain ka lunglen ruang le
ka ngam lo ruangah kaa tinh mi tlolh in innlei ka kir bal lo caah ka chungle,
ka hawikom lawng silo in keimah le keimah zong thinlung(mental) lei a tthawng ngaingai
mi ah kaa rak i rel.
Ka zuang lai ka ti bak khi si :) @Shimla |
Sinain, Sibawi
nih “na thinlung tha der”, “khua tamtuk ruat hlah”, “Coffee ding ti hlah” vun
ti cun keimah le keimah hmanh kaa zum lo. Ka hun zawt taktak in “Thinlung,
thlarau, taksa damnak” tiah Pastor te nih a kan chimh lengmang mi chung i “thinlung”
dam a herh tuk zia ka hun i fiang. Thinlung a dam lo ah cun zaan ih khawh si ti
lo, zaan ih lo ah cun taksa a dam ti lo, taksa a dam lo cun thlarau thazang
laaknak caah Bible aa rel kho ti lo, pumh aa kal kho ti lo. A rak i pehtlai
dih, “thinlung dam” hi a rak biapi hrim ko. I hrimh thannak caah Bible ka rel,
Pathian thangthatnak hla ka ngai, thazaang laaknak ca (inspirational stories) phunphun
ka rel mi chung in ka lung a ka laa ngaimi a tawifiannak ten hrawmh kan duh. A rel cangmi zong nan tampi kho men....
Nikhat
cu rawldawr i rawl a chuang mi pa le a fanu bia an i ruah. A fanu nih cun vawleicung nun a har tuknak kong le nun a
zuam lo nak kong, harnak pakhat a dih hnu ah a dang pakhat nih a rak zulh peng
nak kong kha a pa cu lungdong ngaiin a hei chimh.
Apa cu
rawlchuan thiam ngaimi a si caah a fanu cu coka lei ah akal pi. Um pathum aa
laak i ti a rawn cio hna hnu ah thingthu cungah a khin hna. Ti a hun tlawh thluahmah
tikah a pa nih cun um khat ah aalu, um pakhat ah arti le a dang um pakhat ah
coffee mu a hei paih hna.
Minute
20 hrawng a rauh hnu ah a pa nih cun um pathum cu a cawi hna. A hmasabik ah um
chungin aalu a chuah i pakan ah a chiah. Arti zong cu a chuah i a chiah ve,
cun, coffee mu paihnak um kha a cawi i a hang kha hrai ah a tlen. Cu hnu ah
cun a fanu te cu “zeidah na hmuh?” tiah
a hal.
“aalu,
arti le coffee” tiah a fanu te nih cun a hei leh.
A pa
nih cun “tha tein zoh hna law aalu kha tawng chun” tiah a hei ti. A fanu nih
cun aalu a tongh tikah a nem dih kha a hmuh. Arti a kheu ter than tikah arti cu
a hmin i a hak cang. Cu hnu ah, hrai chung i a tlen mi coffee kha a teh ter.
A
fanu te nih cun, “Kapa, na ka chimh duh mi hi zeidah a si? tiah a hal tikah a
pa nih cun hitihin a leh.
Aalu, arti le coffee mu kha a hmetngan aa khat mi um le aa zat mi tisa tlok chungah
paih cio an si nain an sining aa thlen daan aa dang dih. Aalu cu a hak ngaingai
mi a si nain tisa tlok chung kan paih tikah a nem dih. Arti cu a kuai a fawi
tuk mi a si nain tisa chung kan paih tikah arti chunglei cu a hmin i a sining
kel nakin a hak deuh mi ah aa thleng. Coffee mu cu tisa tlok lakah kan paih
tikah phundang pi ah aa thleng. A mu kha um ti lo in bel chung ummi ti vialte
tu kha a muici a thlen dih tiah apa nih a leh.
Harnak
le ngaihchiatnak cu vawleicung kan nunchung poah kan ton dingmi a si. Nangtah
harnak le ngaihchiatnak na ton tikah zeitindah naa thlen, aalu bantukin maw
harnak nih an nem ter, arti bantuk in dah harnak kha thazaang ah naa lak,
silole coffee mu bantukin dah thil dang pi ah naa thlen?
Comments
Post a Comment