Vietnam ah Zarh (2)
KNOTs project hruainak
in Transdisciplinary Research Method (TDR) timi zarhhnih chung cawn dingah Thailand
in Chiang Mai University le Chulalongkorn University, Vietnam in Ho Chi Minh
Open University, Vietnam Academy of Social Science le Southern Institute of Social
Science, Czech Republic in Charles University, Austria in University of Vienna
le Germany in Bonn University in tiah University (8) in siangngakchia dihlak (48)
Ho Chi Minh khua, Vietnam ah kan i tong hna. A nuam taktak!
Kan sianginn (CMU) in
Ph.D tuah liomi (3), Master cawng liomi (3) le professor cheukhat kan va kal
kho ve.
Kan sianginn CMU in a kalmi pawl |
Ni 5 chung theory le
concept pawl an kan chimh hnu ah TDR method hmangin research va tuah dingin kan
i thimmi hmunhma cio ah kan kal.
Field trip number (7) kaa thim caah Ho Chi
Minh khua in suimilam (4) hrawng a hlatnak khua Can Tho timi ah kal ding ka ciah. Cu
ah cun, a bikin thitumhnak in ramdang pemnak kong kan va hlathlai.
Field Trip Number 7 a kalmi- Ram (7) in siangngakchia (8), a dang cu professor, holh lettu le field leader ansi |
Laimi kan
tuanbia ah philh khawh lo dingmi, P. Thawng Bawi zong nih hla a rak phuah phah
mi “parcel” i cah a rak lar tuk bantuk khan Vietnam nu tam taktak cu Taiwan,
S.Korea, America le a dangdang in an rak thit hna. Laimi parcel i cah he aa dannak bel cu annih ramdang pa an vaat hna. Cun, an i umh hlan ah voikhat tal cu an i hmu ta.
International Organization
for Immigration (IOM) nih 2017 hlathlainak a tuah mi ah cun kum 2008 in 2016 kar
ah Vietnam nu, ramdang pa a va mi 165,000 an si ati. Kum 18 in kum 22 kar a tlangpi an si hna i an vaa le hi
anmah nak kum 10 cung upa deuh an tam. Hi lak ah hin a tambik cu South Korea pa
le Taiwan pa he aa thium mi ansi. Ka khuaruah a har taktak!
General Statistics Offices of Korea cazin ningin Vietnam
nu, Korea pa he aa um mi chungin then nga ah then khat 1/5 cu an i then than ti
si. Cu chungin 3183 cu an fa le he Vietnam ah an kir than.
Kocun
Center
Korea Center for United Nations Human Rights Policy |
Korea cozah
le Hyun Dai company nih fund an pekmi Center a si. Ka va len hna nak in ka theih khawh
tawk ah hi centre nih hin;
(1) An nu le he Korea in a rak
kirmi ngakchia hna, an nu le an pa Korea ram ah rian an tuan i an fa le
zohkhenh caan an ngeih lo caah Vietnam an nute le, an pi le pu hna sinah a ummi
(Korea hrinsor) ngakchia caah Korea nunphung le ca an chimh hna.
(2) Korea ram in an nu le he a rak kirmi ngakchia hna cozah sianginn
an kai khawhnak hnga caah a herhmi legal documents tuah an bawmh hna.
(3) Korea pa a va mi Vietnam nu
hna kha Korea nunphung le an ram va phanh kaa i theih herhmi tete pawl an chimh
hna. (Kan va len lio ah nungak 40 leng an vaa le umnak address an rak cawng len
ko)
An va le he
aa then i a rak kir than mi an tam tak ko nain kal aa tim cuahmah mi zong an um
len rih.
Caan tawi te kan va len hna mi chungin ka theih khawh lomi zong a tampi um len rih lai.
Caan tawi te kan va len hna mi chungin ka theih khawh lomi zong a tampi um len rih lai.
Hi center i an director nu ton ding, Korea in a rak kirmi nu hna le tulio ah kal aa tim cuahmah mi nungak hna he biaruah ding le ngakchia pawl lentecelh pi dingah kan va kal.
Kocun Center kan kal cu keimah kaa nuam bik lai dah!!
Korea holh ka thiammi hnihkhat te ka hman hmasabik nak hmun asi. Korea holh in ka min, ka ratnak ram le ka sianginn ka theihter hnu ah caan nan kan pek caah kan thinlung dihlak in kan i lawm ka ti cu an director nu nih a ka kuh i a ka cawi. Korea thuam i hruk law hman kan in thlak lai a ti. haaaa
A herh lo ah kum khat chung Korea holh cawn in Mandalay ah ka vaivuan kaa ti tawnmi kha a hman than lo :)
A herh lo ah kum khat chung Korea holh cawn in Mandalay ah ka vaivuan kaa ti tawnmi kha a hman than lo :)
Korea thuam a voikhatnak kaa hruk si |
Interview
kan tuahmi hna chungin ka khuaruah a har ngaimi cu Vietnam nungak tampi nih “Vietnam
pa cu vaat awk ah kan duh hna lo. A ruang cu zuu an ding tuk, riantuan an zuam
lo, mi velh an hmang, cu pinah kan chungkhar an kan dawt piak lo” anti dih
ngawt.
Ka bia a sau tuk cang. A chim in chim ning law a tawi deuh ko hnga.
TDR method kong le hi transnational marriage kong theih chap a duhmi nih article ka hal te uh law.
Ka bia a sau tuk cang. A chim in chim ning law a tawi deuh ko hnga.
TDR method kong le hi transnational marriage kong theih chap a duhmi nih article ka hal te uh law.
Tutan ka
cacawn cu kaa nuam bak ko. Experience tam taktak ka ngah.
Sinain
zarhhnih chungah ka pangpar an rak uai dih :(
Comments
Post a Comment