Kanau he Myitsone Dam kong kan biaruah
Myitsone
Dam kong cu kan theih dih ngawtmi a si cio ko lai dah!!
Kum
14 asimi kanau nih a fian khawhnak dingah hitihin ka chimh.
kanau |
Myitsone
dam (ျမစ္ဆံု
တာတမံ) cu
ralkap uknak chan lio ah Kawlram cozah le China ram State Power Investment
Corporation (SPIC) i fonh in 2009 ah sak hram an rak thok. A hmun cu
Ayeyarwaddy tiva hram, Kachin ram ah a si. USD 3.6 Billion dih in, a tha 6,000
megawatts tthawng dingin sak timhmi asi. An i timh tuah ning in khan 2017 ah
rak i lim kho hna seh law Myitsone dam cu vawleicung electric power station a
nganbik (15) chungah aa tel ve hnga. Sinain 2011 lio ah khan President Thein
Sein nih an sak liomi pehzulh rih lo dingin nawl a rak chuah.
Source: Stimson Spotlight ( taken by Marshall Seagal) |
Kanau :
Zeiruang ah dah Dam cu an sak?
Keimah : Minung nunnak ah zeidah kan herh bik?
Kanau :
Oxygen, ti le mei
Keimah : na thiam bak!
Dam (တာတမံ)
an saknak cu a ruang cu mei (electric) caah
asi.
Hakha zong kan mei a that hnu cu kan khuasak (living
standard) a thangcho tuk lemei?
Kan ngakchiat lio ah cun zaanhnih dan lawngin
mei a rak ra, tucu suimilam 24 chung a ra peng hi. TV, thilsuknak, fridge a
phunphun kan caw hna i tha a dam deuh tuk cang. Kanu zong nih a ti kha, “Hakha
ko ah hin thilsuknak seh (washing machine) kan herh bik” tiah. Ti le mei cu kan
rak herh bikmi an rak si ko.
Ralkap cozah chan lio ah hin Taanlwin tiva (Thai
le kawlram ramri) ah Wei Gyi dam le Dagwin dam, Karen ram ah Hat Gyi dam, Shan
ram ah Tasang Dam tiin dam tampi an rak sak. Hi an sak lio ah hin an saknak tiva
pawngkam i khuasa mi khuate 221 kha hmundang ah thial ter an si pinah “nanmah
caah mei (electric) kan in ser piak hna lai” tiin hlen an rak si. A rak poi
tukmi cu တာတမံ nih a chuahmi mei tam deuh kha China le
Thailand ah an zuar dih. Cu an hmuhmi phaisa zong cu mipi caah hman le
phawtzamh a rak um fawn lo.
Si cun Myitsone Dam in chuahmi mei
(electric) cu China caah maw si?
Aw,
a tam deuh cu China caah a kal dih ko lai. China cu rang tukin a thangcho mi
asi, cu bantuk ram thangcho ah cun mei (electric) lo in riantuan khawh si lo
cumu. Kanmah hmanh mei mih caan ah kan awlok a chon tuk ning khi. Company pawl,
mei (electric) hmangin rian a tuanmi pawl cu va ruat ko!
Nikum
Bangkok kan rak kal lio i kan vahnak shopping mall (Siam Paragon) i dawr khan
mah zatzat nih an vaanmi mei kha Thailand nih Laos ram in a cawkmi a si cuh.
China
cu an economy (sipuazi) a thancho tuk caah mei (electric) an herh chinchin
cang. China ram mipi hmanding ca zongah mu. Cu ruangah Myitsone Dam hi sak an
duhnak cu asi.
Siam Paragon pawng :) |
Dam (တာတမံ) sak cu a poinak um maw?
Kha
an sak hniknak hmun pawng i a ummi hna an pawcawmnak a hnorsuan ding kha cu va
um rih ko seh, Ayeyarwaddy tiva chungi a tlonglengmi nga le a dang saram an thi
lai. Cun a dang tahchunnak pakhat, nikum ah khan Laos ram ah Xe Pian Xe Namnoy တာတမံ
a cimhnak short video hi rak zoh hmanh.
Mah
Xe Pian Xe Namnoy dam a cimhnak nih khan Laos ram khuate 6 a hrawh cikcek, 40
nak tlawm lo an thi i minung 7,000 leng
inn ngei lo in a chiah hna. Cu ah cun hi Xe Pian Xe Namnoy hi 410 MW thawngin
sakmi lawng a si rih. 410 MW nih hi zat minung, inn le lo a hrawh khawh ah cun
6,000 MW in sak hnikmi Myitsone dam cu hmailei ah cim sual te seh law??
A thathnemnak kan ram nih tampi a tem ve dingmi va siseh law cu,
tlawmpal a ruah hnu ah,
"Cozah pakhat nih cun a mipi ca i a tha dingmi cu a tuah ding hrim si", tiah a ka leh.
Kannih unau bia kan i ruahmi cu mah vial..............................
Comments
Post a Comment